بابرابورا فى المكسيك وجماعة البانديتى يبو يقتلوه, تسنفيزا على السريع

بسم الله الرحمن الرحيم

الخير كيف الحال
يوم الجمعه كنت مقعمز فى الحوازة المهم كنت مكسد وناكل فى التمر المهم جى جنبى ديك اعطيته تمرة تعرفو شن صار نبتت نخله فى ضهر الديك نخله طويله هلبه المهم خديت حبل وركبت فى هذيك النخله اول ما وصلت فوق النخله القيت فى حوايز هلبه وشكلهم حوايز متع المكسيك ايه طلعت فوق النخله مدينة المكسيك الامريكية فلقيت سنيوريتا حلوة خاطمة ولابسة فرشية قعدت الحق فيها المهم كلمتها مش عارف شن قالتلى لانى منفهمش مكسيكى فتها وقعدت اندير فى دورة وكل المكسيكين ايشفولى وانى بى البدلة العربية والجو جو البنديتى القيت مكان عرفت انه قهوة فقلت خلى انخش اول ما خشيت كلمنى متع الكاسة قالى تفضل يا عبدو قلتله وحده مكياطة وحياتك بعد مافتلك المكياطة قالى هات ففتى سنت يا عبدو عطيته خمسين قرش طلع المسدس وبدى فى جرتى هو وجماعته بى المسدسات متع البنديتى فهربت بين مزارع الثيران وبعدين لقيت فتحه جنبها ثور خشيت منها القيت روحى فى شارع عمر المختار المهم فى واحد صاحبى عنده محل غادى يفتح على الجيهتين جيهه على عمر المختار وجيها على 11 يونيو خشيت منه وهربت لى 11 يونيو القيت واحد متع بيجو عقرب ريح ايبيع فى الدلاع خديت منه دلاعه فتحتها فى الحوش القيت فيها محلات واسواق تجاريه بى اسمى سكرت الدلاعه لانه يوم جمعه

على التسنفيزة هذا من الكساد بس

ما رايكم فى الموضوع

ههههههههههه دلاع اخر زمن